Даъват ба артиш оғоз шуд. Бе ҳаёҳу мегузарад?
Бо нашри хабари оғози даъвати тирамоҳӣ дубора баҳси “облава” ва даъвати ҷавонон ба зур ба артиш оғоз шуд. Эмомалӣ Раҳмон, раисиҷумҳури Тоҷикистон, рӯзи 27-уми август фармони даъвати ҷавонони аз 18 то 27-соларо ба хидмат дар артиш имзо кард. Ин маърака солҳост, ки баҳсҳоеро ба миён меорад. Сокинон аз зӯровариҳо ва сарбозшикор ё облава шикоят мекунанд. Мақомот мегӯянд, ҷавонон ба комиссариатҳои ҳарбӣ намеоянд ва барои фирор аз хидмат ба Русия сафар мекунанд.
