Кубаныч Ажыбаев - Сүйүүмдүн формуласы
Сүйүүмдүн формуласы (Издеп келем)
С: Т. Эргешов.
О: К. Рыскулов.
Сүйүүмдүн сүрөттөрү тармалданып,
Жашыган жан дүйнөмдү дүүлүктүрөт.
Жайнаган эки көзүң балбал жанып,
Талпынып колун сунуп, кыт-кыт күлөт.
Эстелик боло бербейт гүлдүн баары,
Кыздарга кызылдарын иргеп берем.
Сен үчүн сыздап жүрүп ыр жаратып,
Өзүмдү тереңдиктен издеп келем.
Чыркырап чокту баскан наристедей,
Чымырап сезимдерим чыдай албай.
Сүйүүмдүн формуласы өзүң болуп,
Кыйналдым сени туура чыгара албай.
