Sarfira Movie Review by Sucharita Tyagi
Sarfira Movie Review by Sucharita Tyagi - Uss kism ka cinema yeh nahi bann paati joh aap apne doston ko recommend karte hain jakar dekhen, kyunki agar is kahaani se avgat aap naa bhi hon, iss kism ki Bollywood film, jismein system se haara hua sa start up founder public gathering mein shor machaakar authority figure se meeting haasil kar leta hai, yeh dekhi hui hain. President Dr. APJ Abdul Kalaam hi pichle 2-3 mahino meion 2 filmon mein dikh gaye hain, pichli waali thi Srikant, ek aur real life story of man winning against insurmountable odds. Ek parent ki zindagi ki aakhiri ghadiyon mein ghar na pohonch paayi santan ka life mein later catharsis, apne gaanv mein khushhaali laane waala sarve sarva, apni behen ki shaadi se zyada dost ke samman ki parvaah karne waala simplistic best friend, evil se bhi zyada badmaash villain joh apni ameeriyat ko enjoy nahi kar pata kyunki badly ki aag mein jhulas raha hai, yeh Indian cinema ke archetypes, hamaari cinema ne pehle din se perfect kiye huye hain.
Agar kuch iss kahaani mein alag hai, toh norm ko karta hai break, toh woh hai Rani, ek empowered aurat ka portrayal jisko late 90s mein bhi self-actualization ke maayane maaloom they. Radhika Madan apne se umar mein takreeban 30 saal badey Akshay Kumar ke saamne, the young actor holds her own. Sanya Malhotra, Bhoomi Pednekar ki tarah, Radhika exciting talent hain, harr choice pichli se alag, harr performance behtar. Sarfira mein halaanki second half aate aate narrative mein kho hi jaati hai, like all wives do in stories about their great husbands.
#Sarfira #MovieReview #AkshayKumar #RadhikaMadan #PareshRawal #SarfiraMovie #SucharitaTyagi
