Ус-шевер дарган Кенин Сат
«Тываның ус-шеверлери» дамчыдылганың ээлчеглиг үндүрүлгезиниң бо удаада кол маадыры – демир, мөңгүн база өске-даа материалдардан хуулгаазын эдилелдер, каасталгаларны чаяап-бүдүрүп турар дарган Кенин Сат. Ус-шевер Кенин Күдүш-оолович бүгү Россия чергелиг мөөрейлер база хөй санныг делгелгелерниң киржикчизи болгаш тиилекчизи. Ооң кылган ажылдарын бүгү делегейде билдингир Монако чуртунуң нояны II-ги Альбер, Россияның Президентизи Владимир Путин, чурттуң камгалал сайыды Сергей Шойгу дээш өске-даа ат-сураглыг кижилерге белек кылдыр берген. Ус-шеверниң дугайында дараазында материалда.
